საქართველოს შოთა რუსთაველის თეატრისა და კინოს სახელმწიფო უნივერსიტეტში, UNESCO-ს მხარდაჭერით, გაიმართა ხელოვნების მკვლევართა XVIII საერთაშორისო სამეცნიერო კონფერენცია – „ხელოვნება დროის კონტექსტში“. ღონისძიებაში მონაწილეობდა 71 ქართველი და უცხოელი მკვლევარი – 16 უნივერსიტეტიდან და კვლევითი დაწესებულებიდან, მათ შორის 8 საქართველოსა და 8 უცხო ქვეყნის უნივერსიტეტიდან (გერმანია, რუმინეთი, ბულგარეთი, თურქეთი, სომხეთი, ლატვია და სხვა).კონფერენციაში მონაწილეობა მიიღეს ბათუმის ხელოვნების სახელმწიფო უნივერსიტეტის პედაგოგებმა:პროფ. თეიმურაზ კეჟერაძემ მოხსენებით „ესქილესა და ევრიპიდეს დრამა — ანტიკური დრამის თეორიის საკითხისათვის“ (სექცია: თეატროლოგია);ასოც. პროფ. თეა ცაგურიამ მოხსენებით „მეტყველების სპეციფიკა და თავისებურებანი თანამედროვე მასობრივი კომუნიკაციის საშუალებებში“ (სექცია: მედიის კვლევები).