გალერეა ჩიგოგიძის პირველი გამოფენა
24 სექტემბერი 2025 წელი
24 სექტემბერს ბათუმში საგამოფენო სივრცე "გალერეა ჩიგოგიძე" გაიხსნა, სადაც ექვსი ბათუმელი მხატვრის ნამუშევრები იყო წარმოდგენილი. მათ შორის იყვნენ ბათუმის ხელოვნების სახელმწიფო უნივერსიტეტის ლექტორები: ბექა ბოლქვაძე, აკაკი ჯაში და ირინა ტორონჯაძე. ნამუშევრები სხვადასხვა საექსპოზიციო დარბაზში იყო განთავსებული. აღსანიშნავია, რომ პირველად აჭარაში, ექსკლუზიურად "გალერეა ჩიგოგიძე" -ს მეორე საგამოფენო დარბაზში სტუმრებს ოლეგ ტიმჩენკოს პერსონალური გამოფენა დახვდათ.
გალერეის გახსნის მიზანი გახლდათ ადგილობრივი და დამწყები ხელოვანების ხელშეწყობა თუმცა გარდა გამოფენებისა ამ სივრცეში პრეზენტაციების, ლექციების და კულტურული საღამოების მოწყობა იგეგმება.
