დღეს ბაუ ინთერნეიშენალ უნივერსითი ბათუმსა და ბათუმის ხელოვნების სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმის მიზანია უნივერსიტეტის განათლების ადმინისტრირების პროგრამის სტუდენტთა პროფესიული განვითარების ხელშეწყობა, მათი პრაქტიკული და ლიდერული უნარ-ჩვევების გამომუშავების მხარდაჭერა, საგანმანათლებლო დაწესებულების ბაზაზე პროფესიული პრაქტიკის ან/და სამაგისტრო პროექტის შესრულების უზრუნველყოფით, სფეროს თანამედროვე მიღწევებისა და სიახლეების შესახებ ინფორმაციის ურთიერთგაცვლა და მხარეთა საერთო ინტერესში შემავალ აქტუალურ საკითხებზე თანამშრომლობა.