საქართველოს ახალგაზრდობის სააგენტოს ორგანიზებით და ბათუმის ხელოვნების სახელმწიფო უნივერსიტეტის სტუდენტთა კარიერული მხარდაჭერისა და პროექტების მართვის განყოფილების ჩართულობით, ქუთაისის საერთაშორისო უნივერსიტეტის (KIU) თემატურ ბანაკში ჩვენი უნივერსიტეტის 6 სტუდენტი მონაწილეობდა. ბანაკის მონაწილეებისთვის ჩატარდა ტრენინგები სხვადასხვა თემაზე: ახალგაზრდული შესაძლებლობები, პროექტების დაგეგმვა, სამოქალაქო ჩართულობა, თანამედროვე ტექნოლოგიები და სხვა. ასევე ახალგაზრდობის სააგენტოს თანამშრომლები ბანაკის მონაწილეებს შეხვდნენ და მათ დეტალურად მიაწოდეს ინფორმაცია მიმდინარე პროექტების შესახებ. თემატურ ბანაკში თბილისის სახელმწიფო სამხატვრო აკადემიის, ილიას სახელმწიფო უნივერსიტეტის სტუდენტები და მუნიციპალიტეტებში არსებული ახალგაზრდული მრჩეველთა საბჭოების წევრები იმყოფებოდნენ.ბანაკის პროგრამა ოთხი დღისგან შედგება და მონაწილეებს შესაძლებლობა აქვთ ჩაერთონ მათთვის საინტერესო მრავალფეროვან საგანმანათლებლო, სპორტულ და გასართობ აქტივობებში.2025 წელს თემატური ბანაკები ქუთაისის საუნივერსიტეტო ქალაქის და ყვარლის იუსტიციის სასწავლო ცენტრის ბაზაზე, რვა ნაკადად ჩატარდება და 1000-მდე ახალგაზრდას უმასპინძლებს.