ბათუმის ხელოვნების სახელმწიფო უნივერსიტეტში 2025 წლის 23 მაისს სტუდენტთა VIII საერთაშორისო კონფერენცია გაიმართა. კონფერენციის მიზანი სტუდენტებში კვლევითი და ანალიტიკური უნარების განვითარება, ცოდნის და გამოცდილების გაზიარებაა.კონფერენციაში მონაწილეობა მიიღეს როგორც საქართველოდან, ისე საზღვარგარეთიდან სხვადასხვა უნივერსიტეტის ყველა საფეხურის სტუდენტებმა შემდეგი მიმართულებებით :ხელოვნებათმცოდნეობა; მუსიკისმცოდნეობა; თეატრმცოდნეობა; კინომცოდნეობა; კულტურის მენეჯმენტი; კულტურული ტურიზმი; მედია; განათლება.