საინფორმაციო შეხვედრა სტუდენტებთან
1 აპრილი 2025 წელი
ბათუმის ხელოვნების სახელმწიფო უნივერსიტეტში შედგა საინფორმაციო შეხვედრა დამსაქმებელთან.
სტუდენტებს შეხვდნენ კომპანია ZOOMMER -ის თანამშრომელთა შერჩევისა და განვითარების სპეციალისტები: რუსკა მელანაშვილი და თამარ როსტიაშვილი. წარმომადგენლებმა სტუდენტებს გააცნეს კომპანის ისტორია, განვითარება და დღევანდელი მდგომარეობა ბიზნეს სექტორში. ისაუბრეს აქტიური ვაკანსიებზე, სტაჟირების პროგრამებზე, თანამშრომლების პროფესიულ და პიროვნულ განვითარებაზე, ტრეინინგებზე გუნდის შიდა აქტივობებზე, ყოველდღიურ საქმიანობასა თუ ურთიერთობებზე, ბონუსებზე, კარიერული ზრდის შესაძლებლობებზე, ბენეფიტებზე: ჯანმრთელობის დაზღვევაზე, სწავლის დაფინანსებაზე და კარიერული განვითარების თანადაფინანსებაზე, კორპორატიულ კულტურაზე, მენტორობის სისტემაზე, ცნობილ პიროვნებებთან შეხვედრებზე, მასტერკლასებსა და სხვა საიტერესო საკითხებზე.
შეხვედრა გაიმართა ინტერაქტიულ რეჟიმში. სტუდენტების განსაკუთრებული ინტერესი გამოიწვია სწავლასთან შესაბამისმა მოქნილმა სამუშაო გრაფიკმა, ანაზღაურებადმა სტაჟირების პროგრამებმა, შრომის ანაზღაურების სისტემამ და კარიერული ზრდის შესაძლებლობებმა. შეხვედრის ბოლოს კომპანიის წარმომადგენლებმა სტუდენტებს გადასცეს სამახსოვრო საჩუქრები.
შეხვედრას ესწრებოდნენ უნივერსიტეტის სხვასხვა საგანმანათლებლო პროგრამის სტუდენტები.
შეხვედრის ორგანიზატორი - სტუდენტთა კარიერული მხარდაჭერისა და პროექტების მართვის განყოფილება.
