გაფორმდა ურთიერთთანამშრომლობის მემორანდუმი ბათუმის ხელოვნების სახელმწიფო უნივერსიტეტსა და კვიპროსის ევროპულ უნივერსიტეტს შორის. მემორანდუმის მიზანია უნივერსიტეტებს სორის საგანმანათლებლო თანამშრომლობის ხელშეწყობა, რომელიც მოიცავს: ერთობლივ საგანმანათლებლო, სასწავლო და კვლევით საქმიანობას, აკადემიური პერსონალის გაცვლას ლექციების, ვიზიტებისა და გამოცდილების გაზიარებისთვის, კონფერენციებში, სიმპოზიუმებსა და სემინარებში მონაწილეობას, მხარეთა ინტერესების სფეროში არსებული ინფორმაციის გაცვლას, პროფესორ-მასწავლებლების, მკვლევარების, მაგისტრანტებისა და ბაკალავრიატის სტუდენტების გაცვლას სწავლებისა და კვლევის მიზნით.