გამოიცა ბათუმის ხელოვნების სახელმწიფო  უნივერსიტეტის  სამეცნიერო შრომების კრებულის „ხელოვნებათმცოდნეობითი ეტიუდები- X“ ელექტრონული ვერსია. კრებულის   თემატიკა მოიცავს კულტურისა და სახელოვნებო მეცნიერებების ფართო სპექტრს.  ჟურნალის მიზანია სახელოვნებო მეცნიერებების განვითარების ხელშეწყობა, თეორეტიკოს და პრაქტიკოს ხელოვანთა სამეცნიერო კვლევების წარმოჩენა.   

სამეცნიერო შრომების  მე-10 ტომში წარმოდგენილია   საქართველოს შოთა რუსთაველის თეატრისა და კინოს სახელმწიფო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, თბილისის ვანო სარაჯიშვილის სახელობის სახელმწიფო კონსერვატორიის, საქართველოს ტექნიკური უნივერსიტეტის, ცხუმ-აფხაზეთის მეცნიერებათა აკადემიის ეთნოლოგიის ინსტიტუტის, ბათუმის ხელოვნების სახელმწიფო უნივერსიტეტის, სომხეთის მეცნიერებათა ეროვნული აკადემიის ფილოსოფიის, სოციოლოგიისა და სამართლის ინსტიტუტის, ყაზახეთის ქორეოგრაფიის ეროვნული აკადემიის, ბელორუსიის სახელმწიფო სამხატვრო აკადემიის პროფესორ-მასწავლებელთა და მეცნიერ-მკვლევართა ნაშრომები.   

 სამეცნიერო შრომების კრებული  განთავსებულია   „ღია ჟურნალის სისტემების“ (OJS-open journal systems)  ელექტრონულ პლატფორმაზე, კრებულის სრული ვერსიის ნახვა შესაძლებელია ელექტრონულ მისამართზე:  https://artcriticism.openjournals.ge/index.php/sac