ხელოვნების უნივერსიტეტმა აკრედიტაციისათვის წარადგინა ხელოვნების მენეჯმენტის 2 სამაგისტრო პროგრამა 120 და 60 კრედიტიანი.  უმაღლესი საგანმანათლებლო პროგრამების აკრედიტაცის საბჭოს 2024 წლის 29 ნოემბრის გადაწყვეტილებით ორივე პროგრამას აკრედიტაცია მიენიჭა 7 წლის ვადით. 

            ხელოვნების მენეჯმენტის 60 კრედიტიან სამაგისტრო პროგრამაზე სწავლის გაგრძელება შეუძლია კულტურისა და ხელოვნების სფეროში დასაქმებულ იმ პირებს, რომელთაც მმართველობით სფეროში მუშაობის არანაკლებ 5 წლის სამუშაო გამოცდილება აქვთ. მსურველები ხელოვნების უნივერსიტეტში ჩააბარებენ გამოცდებს სპეციალობაში და ინგლისურ ენაში (B2 დონე)  ან წარადგენენ ინგლისური ენის ცოდნის დამადასტურებელ შესაბამისი დონის, დადგენილი წესით აღიარებულ სერთიფიკატს. საერთო სამაგისტრო გამოცდის ჩაბარება მათთვის სავალდებულო არ არის.