თურქეთის ახლად დანიშნული გენერალური კონსული ბათუმში ადნან ალთაი ალთინორსი ბათუმის ხელოვნების სახელმწიფო უნივერსიტეტს სტუმრობდა. რექტორ ბატონ თემურ კეჟერაძესთან გამართულ გაცნობითი ხასიათის შეხვედრაზე სამომავლო პერსპექტივები განიხილეს და ორ ქვეყანას შორის არსებულ მეგობრულ ურთიერთობებზე ისაუბრეს. ასევე დაიგეგმა ერთობლივი გაცვლითი პროექტების განხორციელება სხვადასხვა მიმართულებით.