თბილისის  საერთაშორისო სტუდენტურ თეატრალურ ფესტივალზე საუკეთესო ქალი მსახიობის ნომინაციაში გამარჯვებული ბათუმის ხელოვნების სახელმწიფო სასწავლო უნივერსიტეტის დრამისა და კინოს სამსახიობო პროგრამის II კურსის სტუდენტი მარიამ გველესიანი გახდა. საერთაშორისო ფესტივალზე წარდგენილი იყო სპექტაკლი - ,,მე.”  რომელიც 5 სცენისგან შედგებოდა იდენტობა, ინტეგრირება, თანატოლებთან ურთიერთობა, ოჯახი, ოცნებები და მისწრაფებები. სპექტაკლში მონაწილეობენ: ლევან თედორაძე , მარიამ გველესიანი , მარიამ მღებრიშვილი , ნოდარ სამთელაძე და ლუკა ჭეიშვილი . დრამატურგი: ქეთევან სამხარაძე .რეჟისორი: გიორგი ქლაინი.

    სპექტაკლი ,,მე’’ არის ვერბატიმის ტიპის წარმოდგენა, სადაც სტუდენტები გაბედულად აზიარებენ თავიანთ პირად გამოწვევებს და მისწრაფებებს. მონოლოგების, დიალოგებისა და ანსამბლური მიზანსცენების მეშვეობით, სპექტაკლი იკვლევს სტუდენტების წინაშე მდგარი საკითხების მრავალფეროვან სპექტრს და მიზნად ისახავს შექმნას წამახალისებელი და მასშტაბური სივრცე თვითგამოხატვისთვის.