აჭარის ხელოვნების მუზეუმში გაიმართა სტუდენტთა დახმარების პროგრამის ფარგლებში დაფინანსებულ წარჩინებულ სტუდენტებთან შეხვედრა და დაჯილდოება.ბათუმის ხელოვნების სახელმწიფო სასწავლო უნივერსიტეტიდან სიგელი ხუთმა წარმატებულმა სტუდენტმა მიიღო. ესენი არიან: თათული ჩხეიძე (სპეციალობა - აკადემიური სიმღერის - II კურსი), ამირან ბერიძე  (სპეციალობა - არქიტექტურა ბაკალავრიატი - III კურსი), გიორგი დავითაძე (სპეციალობა - კულტურის მენეჯმენტი ბაკალავრიატი - III კურსი),  მარიამ საგინაძე (სპეციალობა - სამოსის დიზაინი).სტუდენტთა დახმარების პროგრამის ფარგლებში დაფინანსებას იღებენ სტუდენტები, რომლებიც სწავლობენ საქართველოში მოქმედ უმაღლეს საგანმანათლებლო დაწესებულებებში ბაკალავრიატის, მაგისტრატურის, მასწავლებლის მომზადების ინტეგრირებულ საბაკალავრო-სამაგისტრო, ვეტერინარიის სამაგისტრო, დიპლომირებული მედიკოსის/სტომატოლოგიის აკრედიტებულ საგანმანათლებლო პროგრამებზე.”აჭარის განათლების, კულტურისა და სპორტის მინისტრმა მაია ხაჯიშვილმა, აჭარის უმაღლესი საბჭოს წარმომადგენლებთან ერთად, მიულოცა სტუდენტებს წარმატება. შეხვედრა კითხვა-პასუხის რეჟიმში წარიმართა.