ქალაქ ბათუმის მერია ყოველწლიურად გამოავლენს ხელოვანებს, რომლებმაც წვლილი შეიტანეს ეროვნული კულტურის განვითარებასა და პოპულარიზაციაში. წელს კულტურის დარგში წარმატებულ ხელოვანებს შორის დასახელდნენ ბათუმის ხელოვნების სასწავლო უნივერსიტეტის ასოცირებული პროფესორი, მხატვარი მაია გერსამია- ჯორბენაძე (ნომინაცია - „რჩეული ხელოვანი“), კონცერტმაისტერი ნინო ნიშნიანიძე (ნომინაცია „დიდოსტატი), პროექტების მართვისა და სტუდენტთა კარიერული მხარდაჭერის განყოფილების უფროსი, ქორეოგრაფი მირანდა ბაღდადიშვილი (ნომინაცია „ხელოვანი ბათუმისათვის“). ვულოცავთ კოლეგებს ამ აღიარებას, ახალ შემოქმედებით წარმატებას და გამარჯვებას ვუსურვებთ.