2022 წლის 23 ივნისს ბათუმის ხელოვნების სასაწავლო უნივერსიტეტის მუსიკის ფაკულტეტის III კურსის სტუდენტმა გიორგი გორჯელაძემ მონაწილეობა მიიღო "MISA"-ს (MISA-Music internationaly summer academy) საერთაშორისო კონკურსში (ვოკალური განყოფილება), რომელიც ჩატარდა ონლაინ ფორმატით 2 ტურად. გიორგიმ აიღო მეორე ადგილი და მიენიჭა ლაურეატის წოდება. ამ კონკურსის ყველა გამარჯვებული მონაწილე ითვლება MISA სოლისტ-მომღერლად და კონცერტებსა თუ საოპერო დადგმებში მიიღებენ მონაწილეობას.

გიორგი გორჯელაძე 23, 25 და 28 აგვისტოს MISA-ს ახალგაზრდულ ორკესტრთან ერთად მონაწილეობას მიიღებს კონცერტებში დუშეთში, მცხეთაში და თბილისში.

28 აგვისტოს აგრეთვე გაიმართება გამარჯვებულთა დაჯილდოება.

წარმატებას ვუსურვებთ გიორგის და კონკურსის ყველა მონაწილეს!