27 აპრილს ბათუმის ხელოვნების სასწავლო უნივერსიტეტში  ახალგაზრდა მუსიკოსთა  მიერ შექმნილმა  ჯგუფმა  სახელწოდებით „B.I.S.T.I.“ ( BATUMI INTERNATIONAL SINGERS TEAM),  საოპერო მუსიკის კონცერტი გაიმართა.   მსგავსი ღონისძიება დამწყებ მომღერლებს სასცენო გამოცდილებას სძენს და მსმენელთან  აახლოებს.   მუსიკის ფაკულტეტის  აკადემიური სიმღერის სპეციალობის სტუდენტებმა   აუდიტორიის წინაშე  არიები და დუეტები შეასრულეს.  კონცერტს ესწრებოდნენ   აჭარის განათლების, კულტურისა და სპორტის სამინისტროს და  ვროცლავის ხელოვნებისა და კულტურის ცენტრის წარმომადგენლები.  ახალგაზრდა მუსიკოსების მიერ შექმნილი ჯგუფის მიზანია საოპერო მუსიკის პოპულარიზაცია არა მხოლოდ ბათუმში, არამედ საქართველოში და მის საზღვრებს გარეთაც.