27 სექტემბერს ბათუმის ხელოვნების სასწავლო უნივერსიტეტში გაიმართა თბილისის სამხატვრო აკადემიისა და ბათუმის ხელოვნების სასწავლო უნივერსიტეტის სტუდენტების ნამუშევრების ერთობლივი გამოფენა - „ხელოვნება საზღვრების გარეშე“
27 სექტემბერს ბათუმის ხელოვნების სასწავლო უნივერსიტეტში გაიმართა თბილისის სამხატვრო აკადემიისა და ბათუმის ხელოვნების სასწავლო უნივერსიტეტის სტუდენტების ნამუშევრების ერთობლივი გამოფენა - „ხელოვნება საზღვრების გარეშე“.
პროექტის მენტორ-კონსულტანტები: სახელმწიფო პრემიის ლაურეატი, სამხატვრო აკადემიის რექტორი, პროფესორი გიორგი გუგუშვილი და შოთა რუსთაველის პრემიის ლაურეატი, თბილისის საპატიო მოქალაქე - ქეთევან მატაბელი.
პროექტი განხორციელდა ბათუმის ხელოვნების სასწავლო უნივერსიტეტის მატერიალურ-ტექნიკურ ბაზაზე, ამ უნივერსიტეტის სტუდენტთა მონაწილეობით. პროექტის საშუალებით სტუდენტებმა განივითარეს შემოქმედებითი თვალსაწიერი, გაეცნენ თანატოლების საავტორო მეთოდებს, შეიმუშავეს ახალი მიდგომები და შემოქმედებითი სიახლეები, მასალების ფაქტურებისა და დამუშავების ტექნიკები/ტექნოლოგიები. განსაკუთრებული ყურადღება დაეთმო ინკლუზიურ/ინტეგრირებულ შემოქმედებითობასა და შშმ პირებთან ურთიერთობების საკითხებს. პროექტში მონაწილეობდნენ ინკლუზიური და ინტეგრირებული განათლება-თანადგომა, ბათუმის #26 საჯარო სკოლის ინკლუზიური სწავლების ცენტრი, აჭარის განათლების, კულტურისა და სპორტის სამინისტროს ქვეპროექტი - საკვირაო სკოლა. პროექტის ფარგლებში შშმ პირებს ხელი შეეწყოთ ინტეგრირებული შემოქმედების პროცესში და განხორციელდა შშმ პირების ინკლუზია სახვით და გამოყენებით ხელოვნებაში.
გამოფენა 30 სექტემბრის ჩათვლით გაგრძელდება.
