საქართველოს განათლების, მეცნიერების, კულტურისა და სპორტის სამინისტროს პროგრამა „ორიენტირი“ გულისხმობს კულტურისა და ხელოვნების მიმართულებით სამინისტროს სისტემაში შემავალი სსიპ უმაღლესი სახელოვნებო-საგანმანათლებლო დაწესებულებებისათვის საგანმანათლებლო რესურსის მომზადების, მნიშვნელოვანი სამეცნიერო-კვლევითი და შემოქმედებითი აქტივობებისათვის დაფინანსების გამოყოფას, რათა შეიქმნას დამატებითი შესაძლებლობა სასწავლებლებში სწავლებისა და სწავლის პროცესის  სრულფასოვნად განხორციელებისათვის.

აღნიშნული პროგრამის ფარგლებში, ბათუმის ხელოვნების უნივერსიტეტში 2020 წლის შემოდგომაზე ჩატარდება  სტუდენტთა საერთაშორისო კონფერენცია და გაიბეჭდება სამეცნიერო შრომების კრებული „ხელოვნებათმცოდნეობითი ეტიუდები“ (VIII ტომი).

ბათუმის ხელოვნების უნივერისიტეტი მადლობას უხდის საქართველოს განათლების, მეცნიერების, კულტურისა და სპორტის სამინისტროს კვლევითი და სამეცნიერო საქმიანობის ხელშეწყობისა და თანამშრომლობისთვის.