„პუბლიკამ“ 26 ქართველი კინომცოდნე გამოკითხა ქართული კინოს გასული ორი ათწლეულის შესაჯამებლად.  გამოკითხვის შედეგებით უნივერსიტეტის პროფესორის, ზაზა ხალვაშის ფილმი „ნამე“ XXI საუკუნის 15 საუკეთესო ქართულ ფილმს შორის პირველ ადგილს იკავებს.

გამოკითხული 26 კინომცოდნიდან „ნამე“ საკუთარ სიაში ოცმა მათგანმა შეიყვანა, აქედან შვიდმა ხალვაშის ფილმი პირველ ადგილზე დაასახელა. ფილმის პრემიერა ტოკიოს საერთაშორისო კინოფესტივალის მთავარ საკონკურსო პროგრამაში შედგა. „ნამეს“ ოპერატორმა გიორგი შველიძემ ამერიკის კინემატოგრაფისტთა საზოგადოების პრიზი მოიპოვა. გიორგი შველიძე Spotlight Award-ის კატეგორიაში იყო წარდგენილი. ზაზა ხალვაშის ფილმი 2018 წელს საქართველომ ოსკარზეც წარადგინა.