ლიტერატურულ კომპოზიციაში წარმოდგენილი იყო ნაწყვეტები ქართველი და უცხოელი კლასიკოსების შემოქმედებიდან. საუბარი იყო საქართველოს წარსულზე და აწმყოზე. მაყურებელი ჩააფიქრეს მომავალზე და მისცეს საკუთარი დასკვნის გამოტანის საშუალება. უნივერსიტეტის რექტორმა, პროფესორმა მაია ჭიჭილეიშვილმა, დეპარტამენტის პროფესორებმა თამილა მეიშვილმა, თამაზ ბოლქვაძემ, თემურ კეჟერეძემ და სტუდენტებმა ისაუბრეს კომპოზიციის შესახებ. აღნიშნეს სტუდენტების წინსვლა და მათი პროფესიული უნარების განვითარება, მადლობა გადაუხადეს სტუდენტებსა და ხელმძღვანელს. უსურვეს მათ შემოქმედებითი ზრდა და წარმატებები.