2019 წლის 24 ივნისს ტარდება ბათუმის ნავიგაციის სასწავლო უნივერსიტეტისა და ეკონომიკური კვლევების ეროვნული ინსტიტუტის საერთაშორისო სამეცნიერო კონფერენცია „თანამედროვე საზღვაო ტექნოლოგიები, სოციალურ-ეკონომიკური განვითარების პრობლემები და მათი გადაჭრის გზები“. კონფერენციის თანაორგანიზატორია ბათუმის ხელოვნების უნივერსიტეტი.

კონფერენციის პროგრამით გათვალისწინებული მიმართულებებია: საზღვაო დარგი, ეკონომიკა და მართვა, ბიზნესის ადმინისტრირება, ინჟინერია, ლოგისტიკა, ჰუმანიტარული და სოციალური მეცნიერებები, განათლების ადმინისტრირების აქტუალური პრობლემები.