ხელოვნების უნივერსიტეტს ბათუმში თურქეთის რესპუბლიკის გენერალური კონსული იასინ თემისქანი და მისი მეუღლე ბენეფშე თემისქანი ეწვივნენ. შეხვედრას ესწრებოდნენ უნივერსიტეტის რექტორი ერმილე მესხია, რექტორის მოადგილე ზაზა ხალვაში, უნივერსიტეტის ხარისხის უზრუნველყოფის სამსახურის უფროსი ქეთევან ვაჩეიშვილი და სხვა თანამშრომლები. რექტორმა  ე. მესხიამ მადლობა გადაუხადა გენერალურ კონსულსა და მის მეუღლეს ხელოვნების უნივერსიტეტსა და თურქეთის უმაღლეს საგანმანათლებლო დაწესებულებებს შორის კავშირურთიერთობების განმტკიცებაში შეტანილი წვლილისათვის და გადასცა საპატიო სიგელები. ქ. ვაჩეიშვილმა სტუმრებს საკუთარი ფერწერული ტილო უსახსოვრა.