ბათუმის სახელმწიფო მუსიკალურ ცენტრში გაიმართა ხელოვნების უნივერსიტეტის მუსიკის ფაკულტეტის პროფესორის ნოდარ ვარშანიძის სახელმძღვანელოს „ვოკალურ-საშემსრულებლო ხელოვნების ისტორია და თეორია“ წარდგენა, რომელსაც უძღვებოდა ხელოვნების უნივერსიტეტის პროფესორი ხათუნა მანაგაძე. იქვე წარმოდგენილი იყო მუსიკის ფაკულტეტის სტუდენტის ხათუნა ჯალამაძის ნახატების გამოფენა. მუსიკალურ ნაწილში მონაწილეობდნენ მუსიკის ფაკულტეტის სტუდენტები და ანსამბლი „ბათუმი“. წარდგენას დაესწრო და შეკრებილ საზოგადოებას სიტყვით მიმართა აჭარის განათლების, კულტურისა და სპორტის მინისტრი ინგა შამილიშვილი.