ქართულ-ამერიკული 25-წლიანი დიპლომატიური ურთიერთობებისადმი მიძღვნილი კვირეულის ფარგლებში აჭარის ხელოვნების მუზეუმთან არსებულ  გალერეაში მოეწყო ხელოვნების უნივერსიტეტის პროფესორის ნინო ნიჟარაძის პერსონალური გამოფენა „ეპისტოლური გრაფიკა“ .წარმოდგენილი იყო მხატვრის ბოლოდროინდელი ნამუშევრები:ქართული ანბანის ნიმუშები,  ანდაზები,  საინტერესო კოლაჟები, სუვენირული ხასიათის სააღდგომო თუ საშობაო  ბარათები, ილუსტრირებული ფურცლები ლუკას სახარებიდან და სხვადასხვა ეპისტოლური ჟანრის ნიმუშები.
მხატვარმა ქართულ-ამერიკულ ურთიერთობებს მიუძღვნა მის მიერ შექმნილი ხელნაწერი  - ტომ სოიერი ინგლისურ ენაზე, რომელიც საჩუქრად გადასცა საქართველოში ამერიკის საელჩოს წარმომადგენელს. 
გამოფენის გახსნას აჭარის განათლების, კულტურისა და სპორტის მინისტრის მოადგილეები თეონა ბერიძე და ბადრი ნაკაშიძე ესწრებოდნენ.