შვეიცარიის განვითარებისა და თანამშრომლობის სააგენტოს ინიციატივითა და ორგანიზებით წელს საქართველოში მესამედ ჩატარდა სტუდენტური არქიტექტურული კონკურსი თემაზე„ მდგრადი სოციალური საცხოვრისი ურბანულ გარემოში“.

2012-2013 და 2013-2014 სასწავლო წლებში კონკურსი საერთაშორისო იყო და მასში საქართველოდან 2 უმაღლესი სასწავლებელი (ილიას უნივერსიტეტი და საქართველოს ტექნიკური უნივერსიტეტი) მონაწილეობდა, ხოლო შვეიცარიიდან - ბერნის გამოყენებით მეცნიერებათა უნივერსიტეტი. წლევანდელ კონკურსში ბერნის უნივერსიტეტი არ მონაწილეობდა. შარშან ამ პროცესში კონკურსგარეშე ჩაერთო ბათუმის ხელოვნების უნივერსიტეტიც. 

პირველ წელს სოციალური საცხოვრისის დასაპროექტებლად ტერიტორიები შეირჩა ქალაქ თბილისის 2 უბანში- გლდანსა და ვაზისუბანში, შარშან - ქალაქ ბათუმში, ხოლო წელს- ქალაქ ზუგდიდში.

წლევანდელ კონკურსში ბათუმის ხელოვნების უნივერსიტეტი 4 სტუდენტური პროექტით იყო წარმოდგენილი. ეს სტუდენტებია: 

• გიორგი მურადიანი(1-ლიკურსი);
• ლიკა კომახიძე(მე-3კურსი); 
• მარიამ მაკარაძე(მე-4კურსი);
• ელიზბარ რამიშვილი(მე-3კურსი) და ლაშა სამსონია(მე-2კურსი).

მიმდინარე წლის კონკურსის შედეგები საერთაშორისო შემადგენლობის ჟიურიმ 20-21 აპრილს შეაფასა თბილისში, ილიას უნივერსიტეტში. 1-ლი და მე-2 ადგილები ილიაუნის სტუდენტურმა ნამუშევრებმა აიღეს. მე-3 საპრიზო ადგილი ჩვენი უნივერსიტეტის სტუდენტების - ელიზბარ რამიშვილისა და ლაშა სამსონიას ერთობლი ვპროექტს ერგო.

არქიტექტურის საბაკალავრო პროგრამა ბხსუ-ში მეოთხე წელია ხორციელდება, აქედან გამომდინარე, ეს  სტუდენტთა პირველი მნიშვნელოვანი გამარჯვებაა.