ირანის გენერალური კონსულის ვიზიტი ხელოვნების უნივერსიტეტში
1 დეკემბერი 2014 წელი
ხელოვნების უნივერსიტეტს ირანის გენერალური კონსული ეწვია. ახმად რეზა არჯაანი უნივერსიტეტის რექტორს შეხვდა. საუბარი შეეხო ირანის კულტურის დღეებს, რომელიც ბათუმში 17-18 დეკემბერს გაიმართება. ღონისძიების ფარგლებში, ხელოვნების უნივერსიტეტში ირანელი რეჟისორების კინოსეანსები მოეწყობა. გაცნობითი ხასიათის შეხვედრაზე მხარეებმა ხელოვნების სფეროში სამომავლო თანამშრომლობის გეგმებზეც ისაუბრეს. ირანის გენერალური კონსულის თქმით, სამომავლოდ ერთობლივი შემოქმედებითი პროექტები შეიძლება დაიგეგმოს.
