ბათუმის ხელოვნების სასწავლო უნივერსიტეტში შედგა შეხვედრა ხელოვნების ისტორიისა და თეორიის (ხელოვნებათმცოდნეობის) საგანამანათლებლო პროგრამის განმახორციელებელ აკადემიურ პერსონალსა და დამსაქმებლებს შორის. შეხვედრას ესწრებოდნენ სამუზეუმო სფეროს, აჭარის კულტურული მემკვიდერეობის დაცვის საააგენტოს, რეგიონის უმაღლესი სასწავლებლების და ზოგადასაგანმანათლებლო სკოლების, კვლევითი ინსტიტუტის  წარმომადგენლები  (ე. კახიძე, ლ. ასლანიშვილი, რ. მალაყმაძე, თ. ტუნაძე, ზ. კილაძე, ლ. ხახუტაიშვილი, მ. ჭანუყვაძე და სხვ).  პროგრამის ხელმძღვანელმა, პროფ. მ. ჭიჭილეიშვილმა ისაუბრა ხელოვნებათმცოდნეობის საბაკალავრო და სამაგისტრო პროგრამების მიზნების, სწავლის შედეგებისა და სასწავლო სტრუქტურის შესახებ.  მოისმინეს დამსაქმებელთა მოთხოვნები,  სურვილები და აკადემიური პერსონალის განმარტებები ზოგიერთი საგნის სწავლების  კონცეფციასთან  დაკავშირებით. შეხვედრა  მნიშვნელოვანი იყო  პროგრამისა და შრომის ბაზრის მოთხოვნებს შორის შესაბამისობის დადგენის თვალსაზრისით.