ხელოვნების უნივერსიტეტის კინოკლუბში გაიმართა გოდერძი ჩოხელის ფილმების ჩვენება. ჩვენების შემდეგ გაიმართა დისკუსია, რომელშიც უნივერსიტეტის სტუდენტებთან ერთად მონაწილეობა მიიღეს ქ. ბათუმის პირველი და მეორე საჯარო სკოლების დამამთავრებელი კლასის მოსწავლეებმა და პედაგოგებმა.

გაიმართა სტუდენტური თვითმმართველობის თავმჯდომარის არჩევნები. თვითმმართველობის 13 წევრიდან არჩევნებზე გამოცხადდა 10. თვითმმართველობის თავმჯდომარედ არჩეული იქნა ტელერეჟისორის სპეციალობის მე-3 კურსის სტუდენტი ერეკლე სიგუა, რომელმაც ხმის დამთვლელი კომისიის ოქმის მონაცემების მიხედვით 10 ხმიდან 9 დადებითი ხმა მიიღო, 1 ბიულეტენი ჩაითვალა ბათილად.

ხელოვნების უნივერსიტეტის კინოკლუბში გაიმართა მიხეილ კობახიძის ფილმების ჩვენება. ჩვენების შემდეგ გაიმართა დისკუსია, რომელშიც უნივერსიტეტის სტუდენტებთან ერთად მონაწილეობა მიიღეს ანდრია პირველწოდებულის სახელობის გიმნაზიის დამამთავრებელი კლასების მოსწავლეებმა.

გიწვევთ ხელოვნების უნივერსიტეტთან არსებული ფოლკლორის საყმაწვილო სტუდია. სადაც შეისწავლება ქათული ხალხური სიმღერა, გალობა, ქართული ხალხური ცეკვა, ხალხურ საკრავებზე დაკვრა, ქართული ფოლკლორის ისტორია. სტუდიაში მიიღებიან ბავშვები 6-დან 12 წლის ჩათვლით. განცხადებები მიიღება 1 მარტიდან 15 მარტამდე. მისამართი: ლუკა ასათიანის ქ. 37, მეორე სართული, ოთახი 57. მობ: 597-21-21-11.

მუშაობა განაახლა ხელოვნების უნივერსიტეტის კინოკლუბმა. ფილმის ჩვენებები გაიმართება ყოველ სამშაბათს 17-00 საათზე, უნივერსიტეტის საკონფერენციო დარბაზში. ამჯერად ნაჩვენები იყო ხელოვნების უნივერსიტეტის კურსდამთავრებულთა სალომე საღარაძის, ავთო ჟღენტისა და ნიკოლოზ ტუღუშის ფილმები. შემდეგ გაიმართა დისკუსია, რომელშიც უნივერსიტეტის სტუდენტებთან ერთად მონაწილეობდნენ ზოგადსაგანმანათლებლო სკოლების მოსწავლეები.