სტუდენტებო და დაინტერესებულო პირებო,
ბხსუ სტუდენტთა კარიერული მხარდაჭერისა და პროექტების მართვის განყოფილების მხარდაჭერით, კიბერაკადემიის წარმომადგენლები წარმოგიდგენენ ინოვაციური პროექტის – „3D მოდა“ – პრეზენტაციას.
შეხვედრა განკუთვნილია მოდის დიზაინის პროგრამის სტუდენტებისთვის და ყველა დაინტერესებული პირისთვის, ვინც ციფრული მოდელირებითა და მოდის ინდუსტრიაში ტექნოლოგიური ტრენდებით არის დაინტერესებული.
პროექტის შესახებ:
პრეზენტაციაზე განხილული იქნება:
პროექტის იდეა, არსი და მიზნობრიობა
3D მოდელირების ტექნოლოგიების დანერგვის მნიშვნელობა მოდის ინდუსტრიაში
ციფრული ტრანსფორმაციის როლი მომავალი დიზაინერების პროფესიულ განვითარებაში
პრაქტიკული შესაძლებლობები სტუდენტებისთვის და ახალბედა პროფესიონალებისთვის
რატომა არის ეს პროექტი მნიშვნელოვანი?
თანამედროვე მოდის ინდუსტრია ტექნოლოგიებზე გადადის.
ციფრული ტრანსფორმაცია ზრდის მოთხოვნას კვალიფიციურ კადრებზე, რომლებსაც ექნებათ უნარი შექმნან ინოვაციური, ეფექტური და ეკომეგობრული პროდუქტები.
3D მოდელირების პროგრამა სტუდენტებს სთავაზობს შესაძლებლობას:
უმოკლეს დროში შექმნან სამოსისა და აქსესუარების ციფრული მოდელები;
დააკავშირონ დიზაინი ტექნოლოგიებთან;
მიიღონ პრაქტიკული ცოდნა გლობალურად კონკურენტუნარიან სფეროში;
კურსდამთავრებულების გამოცდილება
შეხვედრას დაესწრებიან პროექტის კურსდამთავრებულები ჩვენი უნივერსიტეტიდან, რომლებიც პირადად გაგიზიარებენ:
თავიანთ გზას პროექტში ჩართვიდან დღემდე;
პროფესიულ გამოწვევებსა და წარმატებებს;
როგორ დაეხმარათ პროექტი კარიერული განვითარების გზაზე.
ადგილი და დრო — ბხსუ აუდიტორის №420 დრო: 13:00
გამოიყენე შანსი, იყავი ციფრული მოდის მომავალი!

2025 წლის 10 ოქტომბერს ბელგიაში, ანტვერპენის სამეფო კონსერვატორიაში გაიმართება პროექტის „ კულტურული დიპლომატია - ქართული კლასიკური მუსიკის რეტროსპექტივა“ პრეზენტაცია.პროექტი მოიცავს ლექცია-პრეზენტაციას და საკონცერტო პროგრამას. საკონცერტო პროგრამაში მონაწილეობენ ბათუმის ხელოვნების სახელმწიფო უნივერსიტეტის მუსიკის ფაკულტეტის სტუდენტები: ნინო მაჭარაშვილი, არინა ვასილევა, თამთა ჩხეიძე, მაგდა გიგაშვილი, ანა ხაჟომია, გიორგი ბოლქვაძე .მაგისტრატურის კურსდამთავრებული - ზურაბ ჯეგნარაძე. ლექცია პრეზენტაციას წარმოადგენს უნივერსიტეტის პროფესორი -
ხათუნა მანაგაძე. წარმოდგენილი იქნება ქართველი კომპოზიტორების კამერულ-ინსტრუმენტული და კამერულ-ვოკალური ნაწარმოებები. საკონცერტო პროგრამის ხელმძღვანელია ასოცირებული პროფესორი - თეა გოგოტიშვილი. პროექტის ხელმძღვანელი - ხათუნა მანაგაძე.
როექტი განხორციელდა საქართველოს კულტურის სამინისტროს ხელშეწყობით. ბათუმის ხელოვნების სახელმწიფო უნივერსიტეტი განსაკუთრებულ მადლობას უხდის კონსერვატორიის პროფესორს, კომპოზიტორ - ზურაბ ნადარეიშვილს პროექტის მხარდაჭერისთვის.