ქართულ მუსიკას მიეძღვნა 2023 წლის 8 სექტემბერს იტალიაში ნეაპოლის სან პიეტრო მაჯელას კონსერვატორიაში გამართული საღამო
ქართულ მუსიკას მიეძღვნა 2023 წლის 8 სექტემბერს იტალიაში ნეაპოლის სან პიეტრო მაჯელას კონსერვატორიაში გამართული საღამო. ბათუმის ხელოვნების უნივერსიტეტის პროფესორმა ხათუნა მანაგაძემ წაიკითხა ლექცია ,,ქართული ოპერის ისტორიიდან“. ლექციის შემდეგ გაიმართა ქართული მუსიკის კონცერტი. მონაწილეობდნენ ხელოვნების უნივერსიტეტის სტუდენტები ირაკლი ჯინჭარაძე (ტენორი), გიორგი გორჯელაძე (ბარიტონი), უნივერსიტეტის კურსდამთავრებული, ამჟამად გერმანიის ქალაქ ესენის ხელოვნების უნივერსიტეტის მაგისტრატურის სტუდენტი სალომე მახათელაშვილი. პიანისტები - ნინო ნიშნიანიძე და რუსუდან კვახაძე. შესრულდა ზ. ფალიაშვილის, დ. არაყიშვილის, ო. თაქთაქიშვილის, ვ. აზარაშვილის ნაწარმოებები. ნეაპოლის სან პიეტრო მაჯელას კონსერვატორიის და ბათუმის ხელოვნების უნივერსიტეტის სტუდენტების მონაწილეობით გასულ წელს ბათუმში გაეტანო დონიცეტის ოპერა ,,დონ პასკუალე“ დაიდგა.
