სასცენო მოძრაობის მასტერკლასები შოთა გეგიაძისგან
![გადიდება სურათი](http://batu.edu.ge/text_images/ge_pic_3669_1_s.jpeg)
2023 წლის 2, 3 და 4 მარტს, ბათუმის ხელოვნების სახელმწიფო სასწავლო უნივერსიტეტში,
გაიმართა თეორიულ-პრაქტიკული მასტერკლასი სასცენო მოძრაობაში.
მასტერკლასებს უძღვებოდა საქართველოს შოთა რუსთაველის თეატრისა და კინოს სახელმწიფო უნივერსიტეტის პედაგოგი, თეატრალური ხელოვნების დოქტორი - შოთა გეგიაძე.
სამდღიან მასტერკლასში სამსახიობო ხელოვნების საგანმანათლებლო პროგრამის სტუდენტებსა და კურსდამთავრებულებსაც შეეძლო მონაწილეობის მიღება.
სწავლა-სწავლება ლეონარდო და ვინჩის სურათის - ,,საიდუმლო სერობა გაცოცხლებით დასრულდა. სასცენო მოძრაობის ელემენტებით დატვირთულ მინიატურულ დადგმაში პირველ და მეორე კურსელებთან ერთად ლექტორ-მასწავლებლები - მანანა ხელაია, თეა ცაგურია და თამარ ბერიძე იყვნენ ჩართულნი.
,,დაახლოებით 12-15 წელია რაც ბატონ შოთასთან ვთანამშრომლობთ და ყოველ ჯერზე მაესტროსგან ახალს ვსწავლობთ. ეს მასტერკლასები როგორც დამწყები, ისე შემდგარი მსახიობისთვის შეუფასებელი შესაძლებლობაა.”- ამბობს მასტერკლასის ორგანიზატორი და ასისტენტი, ბათუმის ხელოვნების სახელმწიფო სასწავლო უნივერსიტეტის სასცენო ხელოვნების დეპარტამენტის ასისტენტ-პროფესორი, თეატრალური ხელოვნების დოქტორი - თამარ ბერიძე.
,,მიხარია, რომ სურვილი სამომავლო თანამშრომლობის უშუალოდ ბავშვებისგან მოდის.
მიმაქვს მხოლოდ და მხოლოდ კარგი შეგრძნებები. წარმატებებს ვუსურვებ ბავშვებს და უნივერსიტეტს! ”
შოთა გეგიაძე
მასტერკლასების პროცესი რექტორმა თემურ კეჟერაძემ სტუდენტებისთვის საჭირო განმავითარებელ აუცილებლობად შეაფასა.
სიახლეების კალენდარი
ორშ | სამ | ოთხ | ხუთ | პარ | შაბ | კვ |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 |