ჩატარდა ტრენინგი თემაზე „დიპლომის დანართის ახალი ფორმის შევსება“. რეესტრის წარმოებისა და დიპლომების განყოფილების ხელმძღვანელმა ნატო ცქვიტინიძემ ტრენინგის მონაწილეებს გააცნო ის ცვლილებები, რომელიც  საქართველოს განათლების, მეცნიერების, კულტურისა და სპორტის მინისტრის 2019 წლის 5 აგვისტოს 1158/ნ  ბრძანების თანახმად იქნა შეტანილი უმაღლესი განათლების დამადასტურებელი სახელმწიფო დოკუმენტის - დიპლომის დანართის ფორმაში.  ხარისხის სამსახურის ხელმძღვანელმა ქეთევან ვაჩეიშვილმა გააკეთა განმარტებები აღნიშნულ ცვლილებებთან დაკავშირებით. ტრენინგს ესწრებოდნენ ფაკულტეტების დეკანები: მამუკა ჯორბენაძე, თამაზ ცერიაშვილი, ერმილე მესხია; სამივე ფაკულტეტის მდივნები, დეპარტამენტების სპეციალისტები.