2019 წლის 21 ოქტომბერს ხელოვნების უნივერსიტეტში ჩატარდა ICOM-ICTOP-ის პრეზიდენტის, ზაგრების უნივერსიტეტის ასისტენტ პროფესორის დარკო ბაბიჩის საჯარო ლექცია თემაზე „მუზეუმები, მემკვიდრეობა და მუზეუმმცოდნეობა XXI საუკუნეში“.

საჯარო ლექციაზე დარკო ბაბიჩმა აუდიტორიას გააცნო სამუზეუმო საქმის განვითარების თანამედროვე ევროპული გამოცდილება კულტურული მემკვიდრეობის მართვისა და ინტერპრეტაციის მიმართულებით. ხაზი გაუსვა ავთენტური გამოციდლების გამდიდრების აუცილებლობას, რაც განპირობებულია თანამედროვე გლობალიზებულ სამყაროში არსებული გამოწვევებით და უდავოდ საჭიროებს ცვლილებებს და ახალ მიდგომებს მემკვიდრეობის ინტერპრეტაციის საქმეში.