2019 წლის 19 აპრილს ხელოვნების უნივერსიტეტში ჩატარდა ვორკშოპი თემაზე „მუზეუმების მართვის თანამედროვე მეთოდები“, რომელსაც უძღვებოდა ივანე ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი, საქართველოს ეროვნული მუზეუმის აღმოსავლური კოლექციების უფროსი კურატორი - ირინა კოშორიძე.

ირინა კოშორიძის ხანგრძლივი გამოცდილება მუზეუმის სფეროში მოიცავს საკურატორო, საგანმანათლებლო, სამენეჯმენტო და საგამოფენო გამოცდილებას. იგი არის მრავალი კვლევითი გრანტისა და სტიპენდიის მფლობელი მუზეუმმცოდნეობისა და აღმოსავლური ხელოვნების მიმართულებით, ICOM-ის ეროვნული კომიტეტის წევრი, საქართველოს მუზეუმების ასოციაციის ერთ-ერთი დამფუძნებელი. მონაწილეობა აქვს მიღებული მრავალი სამუზეუმო ტრეინინგის ორგანიზებასა და მართვაში. 2014-2019 წლებში ხელმძღვანელობდა საქართველოს ხალხური და გამოყენებითი ხელოვნების სახელმწიფო მუზეუმს.

ვოპრკშოპზე საუბარი იყო მუზეუმების ფუნქციასა და მისიაზე სხვადასხვა ეპოქებში, ასევე XX-XXI საუკუნეების მუზეუმების მისიებსა და გამოწვევებზე, რომლებიც მნიშვნელოვნად შეიცვალა თანამედროვე ეპოქის მოთხოვნების შესაბამისად. საუბარი შეეხო, აგრეთვე, საქართველოს მუზეუმებში მიმდინარე ტრანსფორმაციის პრობლემებს.

ვორკშოპს ესწრებოდნენ აჭარის მუზეუმების სპეციალისტები, ხელოვნების უნივერსიტეტის სტუდენტები დაპროფესორ-მასწავლებლები.