სოციალური საცხოვრისები დაბალშემოსავლიანი მოქალაქეებისთვის - ამ თემაზე სამშენებლო პროექტები სტუდენტებმა მოამზადეს. ილიას, ტექნიკური და შვეიცარიის ბერნის უნივერისტეტების სტუდენტებმა სადიპლომო და საკურსო ნამუშევრები სწორედ სოციალური საცხოვრისის თემაზე შექმნეს. 

      კონკურსგარეშე იმუშავეს ბათუმის ხელოვნების უნივერსიტეტის სტუდენტებმაც. მათგან 25 საუკეთესო შეირჩა და საჩუქრად ბათუმის მერიას გადაეცა. პროექტი შვეიცარიის თანამშრომლობისა და განვითარების სააგენტოს, ბათუმის მერიასა და უნივერსიტეტებს შორის მემორანდუმის ფარგლებში განხორციელდა. წარმოდგენილი პროექტებიდან ბათუმის მერიაში შექმნილი სპეციალური კომისია ერთ-ერთს შეარჩევს და განახორციელებს. 

       სოციალური სახლის ასაშენებლად საჭირო 2,5 მილიონი ლარი, "იაფის სახლის" პროგრამის ფარგლებში, მერიის ბიუჯეტში უკვე გათვალისწინებულია და მისი განხორციელება ოქტომბრიდან იგეგმება.