ხელოვნების უნივერსიტეტს საქმიანი ვიზიტით ბრანდერბურგის ფედერალური მიწის წარმომადგენლები ეწვივნენ. შეხვედრაზე ახალგაზრდების გაცვლით პროგრამაზე, სამუზეუმო მენეჯმენტისა და კინოხელოვნების მიმართულებით სამომავლო თანამშრომლობასა და ერთობლივი პროექტების განხორციელებაზე ისაუბრეს. დელეგაციის წევრების განცხადებით, ბრანდერბურგის ხელოვნების სასწავლო სკოლა მზადაა ბათუმის ხელოვნების უნივერსიტეტის სტუდენტებთან ერთად კულტურისა და ხელოვნების დარგში ითანამშრომლოს.  შეხვედრაში მონაწილეობდნენ აჭარის განათლების, კულტურისა და სპორტის მინისტრი გ. თავამაიშვილი, მინისტრის მოადგილე ქ. მანელიშვილი, აჭარის უმაღლესი საბჭოს წევრი ა. ძნელაძე, ბათუმის შოთა რუსთაველის სახელმწიფო უნივერსიტეტისა და ბათუმის სახელმწიფო საზღვაო აკადემიის წარმომადგენლები.