ლატვიის რესპუბლიკის საგანგებო და სრულუფლებიანი ელჩი საქართველოში ელიტა გაველე ბათუმის ხელოვნების უნივერსიტეტს ეწვია და უნივერსიტეტის შენობა დაათვალიერა. დიპლომატმა უნივერსიტეტის სტუდენტებთან, პროფესორ-მასწავლებლებთან და რექტორთან შეხვედრაზე ქვეყნებს შორის სახელოვნებო განათლებისა და კულტურის სფეროში თანამშრომლობის გაღრმავებაზე ისაუბრა. ელჩმა კმაყოფილებილებით აღნიშნა ბათუმის ხელოვნების უნივერსიტეტსა და რიგის უმაღლეს სახელოვნებო საგანმანათლებლო დაწესებულებებთან გაფორმებული ურთიერთთანამშრომლობის მემორანდუმების შესახებ. მერიის ხელოვნებისა და კულტურის ცენტრის ქალთა ვოკალურ-ინსტრუმენტალური ანსამბლის წევრებმა ხელოვნების უნივერსიტეტის სტუდენტებთან ერთად რამდენიმე მუსიკალური ნომერი შეასრულეს.