1 ივლისიდან 10 ივლისამდე ხელოვნების უნივერსიტეტის რექტორი ე. მესხია საქმიანი ვიზიტით იმყოფებოდა ლატვიის რესპუბლიკაში. ვიზიტის პერიოდში რექტორი ეწვია რიგის კონსერვატორიას, ლატვიის ხელოვნების აკადემიას, ლატვიის კულტურის აკადემიას, ლატვიის კულტურის კოლეჯს, რიგის ინფორმაციული სისიტემების მენეჯმენტის (ISMA) ინსტიტუტს, რიგის ხმის რეჟისურის სკოლას. შეხვედრებისას აღნიშნული დაწესებულებების რექტორებმა გამოთქვეს სურვილი მონაწილეობა მიიღონ ერთობლივ შემოქმედებით პროექტებში. ხელი მოეწერა ურთიერთანამშრომლობის მეორანდუმს ბათუმის ხელოვნების უნივერსიტეტსა და დასახელებულ სახელოვნებო საგანმანთლებლო დაწესებულებებთან. საქართველოს დელეგაციის ხელმძღვანელები და ე. მესხია მიიღო საქართველოს ელჩმა ლატვიაში, ბატონმა თეიმურაზ ჯანჯალიამ. გაიმართა საქმიანი საუბარი რიგის 2014 წლის საერთაშორისო ფესტივალში მონაწილეობის საორგანიზაციო საკითხებზე. ვიზიტის დასასრულს შედგა შეხვედრა ლატვიის ქართველთა სათვისტომოში. სათვისტომოს ხელმძღვანელმა ნუგზარ მძინარიშვილმა სტუმრებს გააცნო სათვისტომოს საქმიანობა. დასასრულს გაიმართა ერთობლივი კონცერტი ლატვიელი მუსიკოსებისა და ბათუმის მერიის კულტურისა და ხელოვნების ცენტრის ქალთა კამერული გუნდის მონაწილეობით. ბათუმის ქალთა კამერული გუნდი (ხელმძღვანელები ზაირა და გელა ვადაჭკორიები) მონაწილეობდა რიგის საერთაშორისო ფესტივალში.  

ივლისი 2024
ორშ	სამ	ოთხ	ხუთ	პარ	შაბ	კვ
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31