სსიპ-ბათუმის ხელოვნების სახელმწიფო უნივერსიტეტი აცხადებს კონკურსს ერასმუს + პერსონალის მობილობის პროგრამის ფარგლებში  EASD Mestre Mateo-ს ხელოვნებისა და დიზაინის უმაღლეს სკოლაში (ესპანეთის სამეფო) საერთაშორისო მობილობაში მონაწილეობისათვის  პერსონალის (2 ადგილი)  შესარჩევად

კონკურსი განკუთვნილია სსიპ-ბათუმის ხელოვნების სახელმწიფო უნივერსიტეტის პერსონალისათვის, რომლებიც კარგად ფლობენ ინგლისურ ენას, აქვთ  მოდისა და დიზაინის სფეროში მუშაობის ან სწავლების გამოცდილება და სურთ მონაწილეობა მიიღონ პროგრამით დაგეგმილ კონფერენციასა და ვორქშოფში, რომელსაც ორგანიზებას უწევს CARTES consortium და EASD Mestre Mateo-ს ხელოვნებისა და დიზაინის უმაღლესი სკოლა.

პროგრამა ითვალისწინებს მგზავრობის  და სასტუმროს ხარჯებს (6  დღე).

აღნიშნული მობილობა არის მოკლევადიანი ვიზიტი მასპინძელ სასწავლებელში (4 სამუშაო დღე  და 2 დღე მგზავრობის), სადაც პერსონალი  მონაწილეობას მიიღებს პროგრამის  ფარგლებში  დაგეგმილ აქტივობებში, რომელიც გაიმართება 2025 წლის 17-დან 20 თებერვლის ჩათვლით, EASD Mestre Mateo-ს ხელოვნებისა და დიზაინის უმაღლეს სკოლაში (სანტიაგო დე კომპოსტელა, ესპანეთის სამეფო). აღნიშნული ღონისძიება წარმოადგენს ხელოვნებისა და დიზაინის საერთაშორისო კვირეულს, რომლის მთავარი თემაა „სოციალური დიზაინი“.

ღონისძიების დღის წესრიგი იხილეთ აქ   https://easd.es/erasmus-international-week-of-arts-and-design-easdmm/

I. კონკურსის ჩატარების ვადები

• კონკურსში მონაწილეობის მსურველთა  საკონკურსო დოკუმენტაციის მიღება იწარმოებს 2024 წლის 20 დეკემბრიდან 23 დეკემბრის ჩათვლით ელექტრონულად შემდეგ მისამართზე: info@batu.edu.ge  ან მატერიალური სახით 10.00 საათიდან 17.00 საათამდე (გარდა შაბათ-კვირისა) ადამიანური რესურსების მართვისა და საქმისწარმოების სამსახურში (ქ.ბათუმი, ზ.გორგილაძის/ვაჟა-ფშაველას ქ. №19/32, პირველი სართული, ოთახი №103)
•  საკონკურსო კომისიის მიერ კანდიდატების შერჩევა 2024 წლის 24 დეკემბერი;
•  ბხსუ-ში ჩატარებული კონკურსის შედეგად შერჩეული კანდიდატების შესახებ ინფორმაციის (პერსონალის წარდგინება უცხოეთის შესაბამის უმაღლეს საგანმანათლებლო დაწესებულებაში) გაგზავნა მიმღებ უმაღლეს საგანმანათლებლო დაწესებულებაში -2024 წლის 26 დეკემბერი.