1.1 კონკურსში მონაწილეობის მსურველთა ნამუშევრების  მიღება იწარმოებს  2023 წლის 16 ოქტომბრიდან 2023 წლის 29 დეკემბრის  ჩათვლით ელექტრონულად შემდეგ მისამართზე: info@batu.edu.ge

        1.2 კონკურსის შედეგების გამოცხადება არაუგვიანეს 2024  წლის 23 იანვრისა.

II. საკონკურსო პირობები

     2.1 საკონკურსო დავალება:

• ლოგოტიპი უნდა გამოხატავდეს სსიპ-ბათუმის ხელოვნების სასწავლო უნივერსიტეტის საქმიანობის არსს, მისიას და სპეციფიკას;
• პასუხობდეს თანამედროვე სტანდარტებს და ორიენტირებული იყოს მომავალზე;
• იყოს მარტივი, ადვილად აღქმადი, დამახსოვრებადი და ლაკონური, მაქსიმუმ 2-3 ფერის გამოყენებით;
• კონკურსანტმა უნდა  შექმნას  ვიზუალური იდენტობა, სადაც აღწერილი იქნება ვიზუალური კონცეფცია და ლოგოტიპის იდეა;
• ლოგოტიპი წარმოდგენილი უნდა იყოს ქართულ და ინგლისურ ენებზე;
• განსაზღვრული უნდა იყოს ლოგოტიპის გამოყენების პირობები, როგორიცაა პროპორციები, სივრცეები, გამოტოვებული ველები. ასევე მაქსიმალური და მინიმალური ზომები;
• ლოგოტიპის ელექტრონული ვერსია წარმოდგენილი უნდა იყოს, როგორც ფოტო, ასევე ვექტორულ ფორმატში: PNG, EPS, CDR, AI, PDF ფაილების სახით;
• კონკურსანტმა უნდა შექმნას კორპორატიული ფერების პალიტრა, წარმოადგინოს კორპორატიული ფონტები;
• კონკურსანტმა ლოგოტიპის, კორპორატიული ფერებისა და ფონტების გამოყენებით უნდა წარმოადგინოს ვიზუალური იდენტობის გაშლა;
• შეიმუშაოს კორპორატიული სტილი და მოახდინოს ვიზუალიზაცია: (ბლანკი, კონვერტი, სავიზიტო ბარათი, ბუკლეტი, იმეილის ხელმოწერა, ბილბორდი, პოსტერი, მაისური, ნაჭრის ჩანთა, ქოლგა, დროშა, ჭიქა, კალამი.);
• არ უნდა შეიცავდეს პლაგიატს.

უნივერსიტეტის საქმიანობის, მისიისა და მიზნების შესახებ  ინფორმაციის   მისაღებად იხილეთ უნივერსიტეტის ვებგვერდი:www.batu.edu.ge  

       2.2 უნივერსიტეტი იტოვებს უფლებას ლოგოტიპის დიზაინში ავტორთან შეთანხმებით, შეიტანოს მცირე ცვლილებები.

       2.3 გამარჯვებულ ლოგოტიპს გამოავლენს საკონკურსო კომისია, რომელიც ნამუშევრებს შეაფასებს შემდეგი კრიტერიუმით:  ვიზუალური მხარე, შინაარსი.
       

       2.4 კომისია საუკეთესო ნამუშევარს გამოავლენს კონფიდენციალური შერჩევის გზით, კონსესუსის პრინციპით.

      2.5 კონკურსში მონაწილეობის მიღება შეუძლია როგორც ფიზიკურ, ასევე
 იურიდიულ პირს.

       2.6 კონკურსში მონაწილეობის მსურველმა უნდა წარმოადგინოს:

• პირადობის დამადასტურებელი მოწმობის ასლი (ფიზიკური პირი) იურიდიულმა პირმა საიდენტიფიკაციო კოდი;
• ლოგოტიპის გრაფიკული დიზაინის ნიმუში/ნიმუშები და მათი კონცეფციის მოკლე აღწერა.

      კონკურსში გამარჯვებულისათვის დაწესებულია ჰონორარი: 2000 (ორი ათასი) ლარი (საქართველოს საგადასახადო კანონმდებლობით განსაზღვრული გადასახადების ჩათვლით).