მ. ჭიჭილეიშვილის წიგნის წარდგენა

სურათი

23 ოქტომბერი 2010 წელი

ქ. ბათუმში, თიბისი ბანკის საგამოფენო დარბაზში გაიმართა ხელოვნების უნივერსიტეტის ჰუმანიტარულ და სოციალურ მეცნიერებათა ფაკულტეტის დეკანის მოვალეობის შემსრულებლის, ხელოვნების თეორიისა და ისტორიის დეპარტამენტის ხელმძღვანელის, პროფესორ მაია ჭიჭილეიშვილის მონოგრაფიის „სხალთის ეკლესიის მოხატულობა“  წარდგენა, რომელიც გახსნა ბათუმის ნიკო ბერძენიშვილის ინსტიტუტის დირექტორმა როინ მალაყმაძემ. ღონისძიება მიჰყავდა თავად ავტორს, რომელმაც ისაუბრა მონოგრაფიის მომზადებისა და წიგნად გამოცემის შესახებ. მონოგრაფიის მნიშვნელობაზე ისაუბრეს: ხელოვნების უნივერსიტეტის ასისტენტ–პროფესორმა, ხელოვნებათმცოდნე რატი ჩიბურდანიძემ, არქეოლოგიის მუზეუმის დირექტორმა, მეცნიერებათა დოქტორმა ამირან კახიძემ, გონიო–აფსაროსის მუზეუმ–ნაკრძალის დირექტორმა, პროფესორმა შოთა მამულაძემ, ბათუმის ნიკო ბერძენიშვილის ინსტიტუტის განყოფილებების გამგეებმა ნინო ინაიშვილმა და მალხაზ სიორიძემ, ხელოვნების უნივერსიტეტის რექტორის მოვალეობის შემსრულებელმა, პროფესორმა ერმილე მესხიამ და სხვებმა.

სიახლეების კალენდარი

ორშსამოთხხუთპარშაბკვ
      1
2345678
9101112131415
16171819202122
23242526272829
30