კრისტოფერ რ. კოპოლა და „ბავშვთა და ახალგაზრდობის ეროვნული ცენტრის“ ინიციატივით გამართულ კონკურში, ხუთეულში მოხვდნენ ხელოვნების უნივერსიტეტის 5 სტუდენტი: ქეთევან ტაკიძე, ნანა ზარანდია, სუზანა ვოლოდიანი, ლენა ჭაღალიძე და იმედო იაკოვენკო. ისინი სულხან-საბა ორბელიანის იგავ-არაკის „ოთხი ყრუს“ მიხდევით გადაიღებენ ფილმს. სტუდენტებს ეძლევათ 9 დღე. ფესტივალის ვებგვერდზე იტვირთება თითოეული ჯგუფის ნამუშევარი და მთელი მსოფლიო ხმას აძლევს საუკეთესოს. გამარჯვებულს გადაეცემა ფულადი ჯილდო. აღსანიშნავია, რომ ქრისტოფერ კოპოლა ჩაატარებს მასტერკლასს, თავადაც მიიღებს ფილმებში მონაწილეობას და დაესწრება გადაღების პროცესებს. მასალები იხილეთ ვებგვერდზე: www.pahfest.org

თეატრმცოდნე ლაშა ჩხარტიშვილმა ხელოვნების სასწავლო უნივერსიტეტში ჩაატარა მასტერ კლასი თემაზე "თანამედროვე მსოფლიო თეატრი". მან მიმოიხილა თეატრის ისტორია, ნაჩვენები იყო თანამედროვე თეატრის შესახებ გადაღებული ვიდეორგოლები.
ღონისძიება პროექტის "მასტერ კლასები თანამედროვე ხელოვნებაში" ფარგლებში ჩატარდა და ის ახალგაზრდული ორგანიზაციის "არტ ვეის" ინიციატივითა და აჭარის სპორტისა და ახალგაზრდობის საქმეთა დეპარტამენტის მხარდაჭერით ტარდება. მომდევნო მასტერ კლასი კლასიკურ მუსიკაში ჩატარდება.

3-4 ივნისს მოწყო გასვლითი პრაქტიკა ხელოვნებათმცოდნეობის საგანმანათლებლო პროგრამის სტუდენტებისათვის. სტუდენტებმა მოინახულეს ქართული კულტურული მემკვიდრეობის ძეგლები - ბაგრატის, წრომის, ყინცვისის, მცხეთის ჯვრის, სამთავროს, სვეტიცხოვლის ტაძრები, დაათვალიერეს საქართველოს ეროვნული მუზეუმის ოქროს ფონდი, ხელოვნების მუზეუმის საგანძური, ექსპოზიცია "XVI-XX საუკუნეების პორტრეტის ხელოვნება", ეროვნულ გალერეაში ნახეს ნიკო ფიროსმანისა და დავით კაკაბაძის გამოფენები.

2013 წლის 1-8 აგვისტოს კრასნოგრუდას დიალოგის საერთაშორისო ცენტრში, პოლონეთში, გაიმართება საერთაშორისო ტრენინგი „ინტეგრაციული ღონისძიებები მულტიკულტურულ საზოგადოებებში“.

ELIA NEU/NOW-ს ონლაინ ფესტივალი 2013 გაიმართება ამსტერდამში, 2013 წლის 22-26 ივნისს. ფესტივალი კრეატიულ მხატვრებს და ხელოვანებს ევროპის მასშტაბით აძლევს შანსს წარუდგინონ საკუთარი თავი და ნამუშევრები ფართო აუდიტორიას. მონაწილეობის მიღება შეუძლიათ ვიზუალური ხელოვნების, დიზაინის, თეატრის, ცეკვის, მუსიკის და კინოს სფეროს წარმომადგენლებს. ფესტივალის მსვლელობისას დაგეგმილია სხვადასხვა ღონისძიება და პრეზენტაცია, სადაც მონაწილეები გაეცნობიან ინოვაციურ პროექტებს და დაამყარებენ ახალ საერთაშორისო ურთიერთობებს. დამატებითი ინფორმაციისთვის ესტუმრეთ ვებ-გვერდს www.neunow.com